БООЦООТ ТЭМЦЭЭНД АРХАНГАЙН ДААМЧИД ИЛҮҮРХЭВ

Баянхонгор болон Архангай аймгийн даамын холбоод хамтран багийн бооцоот халз тоглолттыг зохион байгуулжээ. Тэмцээн Баянхонгор аймгийн төвд хоёр өдөр үргэлжилж, 65:61 харьцаагаар Архангайн даамчид илүүрхэж, бооцооны 2 сая төгрөгийн эзэн болсон аж. Багууд эрэгтэй 5, эмэгтэй 3 тамирчны бүрэлдэхүүнтэй байсан бөгөөд багийн гишүүн бүр эсрэг багийн бүх тоглогчидтой тоглох журмаар ялагчийг тодруулсан байна. Энэ тэмцээний үеэр Баянхонгор аймгийн ахмад тамирчин Г.Сүхбат, Д.Мөнхзаяа нарыг аймгийн даамын холбооны “Хүндэт тэмдэг”-ээр шагнажээ.

УЛАМЖЛАЛТ ТЭМЦЭЭН БОЛЛОО

Спортын мастер Пунцагийн Бат-Очирын нэрэмжит зуун буудалт даамын тэмцээн өнгөрсөн амралтын өдрүүдэд Баянзүрх дүүргийн “Шавь” цогцолбор сургууль дээр боллоо. 14 дэх жилдээ зохиогдсон тус тэмцээнд 150 гаруй тамирчин таван насны ангиллаар өрсөлдсөн байна.

ДААМЧИД LISHUI OPEN-Д АМЖИЛТТАЙ ОРОЛЦОВ

Швейцарь системээр 9 өрөг тоглоход эрэгтэйчүүдийн ангилалд ОУИМ Д.Эрдэнэбилэг 12 оноогоор 7-р байр, ДДХМ Д.Ганболд 10 оноогоор 19-р байр, эмэгтэйчүүдийн ангилалд спортын мастер Б.Мишээл 11 оноогоор 11-р байр, ДДХМ Б.Мөнхжин 9 оноогоор 22-р байр, ДДХДМ Д.Одонтуяа 6 оноогоор 39-р байр, 14 хүртэлх насны охидын ангилалд ДДХМ Э.Хүслэн 10 оноогоор 2-р байр, хөвгүүдийн ангилалд спортын мастер Б.Баярманлай 9 оноогоор 9-р байр тус тус эзэлсэн байна.

Клуб, секц, дугуйлангууд