Үндэсний шигшээ багийн алба

ҮНДЭСНИЙ ШИГШЭЭ БАГИЙН ТАМИРЧНЫ ТАНГАРАГ ӨРГӨХ ЁСЛОЛ БОЛНО

Дэлхийн спортын тавцанд Монгол улсыг 2016-2020 онд төлөөлөх Үндэсний шигшээ багийн тамирчин, дасгалжуулагч сонгон шалгаруулалт өндөрлөж бүрэлдэхүүн албан ёсоор зарлагдсан. 

Г.Одбаяр "Их дуулга" ангилалд анх удаагаа түрүүллээ

"Баку-2017" олон улсын жүдо бөхийн холбооны "Их дуулга" тэмцээний хоёр дахь өдөр "Женко" клубийн тамирчин ОУХМ Ганбаатарын Одбаяр алтан медаль хүртлээ. Тэрбээр хэсэгтээ Украин, Азербайжаны бөхчүүдийг ялаад их шөвөгт "Лондон-2012" олимпийн наадмын аварга, "Рио-2016" олимпийн хүрэлтэй Гүржийн алдарт бөх Лаша Шавдатуашвилиг ялсан. Улмаар аваргын төлөө дэлхийн хошой аварга, олимпийн мөнгөн медальтай Японы Рики Накаяаг вазари үнэлгээгээр ялснаар "Их дуулга" ангилалын анхны түрүүгээ авлаа.

Гавьяат тамирчин Э.Содномпилжээ Дэлхийн цомд түрүүллээ

АНЭУ-ын Дубай хотод пауэрлифтингийн Дэлхийн цомын аварга шалгаруулах тэмцээн болов. Тэмцээнд манай улсаас “Рио-2016” паралимпийн наадмын хүрэл медальт, гавьяат тамирчин Э.Содномпилжээ цээж шахалтын 97 кг-д алтан медаль хүртлээ. Энэ амжилт нь Монголын пауэрлифтингийн түүхэнд Дэлхийн цомын анхны алтан медаль гэдгээрээ онцлогтой. Э.Содномпилжээгийн жинд нийт 15 тамирчин өрсөлдсөн бөгөөд тэрээр 220 кг-ыг шахсанаар түрүүлэв. Тэрээр тус тэмцээний хошой мөнгөн медальтан юм. Түүний хувьд хэдхэн хоногийн өмнө болсон УАШТ-ий үеэр 227.5 кг-ыг шахаж улсын дээд амжилт тогтоосон билээ. 

Г.Болдбаатар аварга буурь зааж түрүүллээ

Дюссельдорфын Гран При тэмцээний эхний өдөр Үндэсний шигшээ баг болон Уулын баяжуулах Эрдэнэт үйлдвэрийн "Хангарьд" спорт хорооны тамирчин 2014 оны Чельябинскийн дэлхийн аварга, гавьяат тамирчин Ганбатын Болдбаатар түрүүллээ. Тэрбээр мөнхийн өрсөлдөгч Гүржийн Амиран Папинашвилиг вазари үнэлгээгээр ялж, алтан медаль хүртсэн.

ТЭШҮҮРЧИД УРАЛДААНАА ЭХЛҮҮЛЛЭЭ

Тэшүүрийн төрлийн уралдаан тэмцээнүүд Азийн наадмыг хамтран зохион байгуулж буй Обихиро хотноо явагдаж буй. Өчигдөр нийт 4 төрөлд эхний багц медалийн эзэд өрсөлдөж, манай тамирчид уралдаанаа эхлүүллээ. Эрэгтэйчүүдийн 500 метрийн зайд саяхан Алматад болсон Универсиад наадамд энэ зайн улсын рекордыг шинэчилсэн ОУХМ Я.Зоригтбаатар 37,73 секундын амжилтаар 16-р байр эзэллээ. Манай нөгөө тамирчин Д.Гочоосүрэн 18-р байрт 39,17 секундын амжилттайгаар оржээ. Энэ төрөлд нийт 21 тамирчин өрсөлдсөн бөгөөд БНХАУ, Япон, БНСУ-ын тамирчид медаль хүртжээ.

МОНГОЛЫН ХОККЕЙЧИД СИНГАПУРЫГ БУТ НИРГЭВ

Азийн Өвлийн наадмын хоккейн төрөлд өрсөлдөж буй Монголын шигшээ баг 1-р дивизионы 2 дахь тоглолтоо хийлээ. Уг тоглолтонд манай баг Сингапурыг 8:0-ийн харьцаатайгаар буулган авч, тэмцээний эхний ялалтаа байгуулав. Тоглолтын эхний үе эн тэнцүү өрнөж, харилцан довтлолцож байх үед Сингапурын багийн легионер хамгаалагч Р.Ловелл дүрмийн бус алдаа гарган талбайг орхисноор манай багт ихээхэн давуу байдал үүссэн. Улмаар 1-р үеийн сүүлийн 2 минутанд Б.Болдбаяр, Ж.Баярсайхан нар гоол оруулснаар манай баг тоглолтыг тэргүүлж эхлэсэн юм.

ХОККЕЙЧИД ЭХНИЙ ХОЖЛЫНХОО ТӨЛӨӨ

Саппород Монголын баг тамирчдын салхийг хагалан дэвжээнээ гараад буй хоккейн баг 2 дахь тулаанаа 2-р сарын 20-ны өдөр хийх гэж байна. Энэ удаад манай багийн өрсөлдөгч нь Сингапурын баг байх болно. Эхний тулаанаа Тайландын багтай хийж, харамсалтайгаар 4:5- аар хожигдсон манай багт ялалт зайлшгүй хэрэгтэй. Өнгөрсөн жилийн Челленж цомын тэмцээнээс хүрэл медаль хүртэхдээ манай баг Сингапурыг хожиж байсан удаатай. Сингапурчууд эхний тоглолтдоо Хонгконгийн багт 12:1-ээр хожигджээ. Хоккейн Б дивизионд манай баг Сингапур, Тайландаас гадна Тайван, Хонгконг, АНЭ-ын багуудтай тоглох учиртай.

МОНГОЛЫН БАГИЙН УНИВЕРСАЛ ТУГЧ

Наадмын нээлтийн ажиллагаанд Монгол улсын тугчаар биатлоны шигшээ багийн тамирчин Э.Бархүү ажилласан юм. Энэ жил 30 настай Э.Бархүү гүйлтийн цанын ОУХМ хэдий ч биатлоны спорт руу 2013 оноос эхлэн “урвасан” нэгэн. Гэхдээ 2002 онд өсвөрийн ангилалд анх удаа зохиогдсон тэмцээнд хүч сорьж, хүрэл медаль хүртэж байсан ч тууштай хичээллэх боломж гарахгүй байсаар өдий хүрсэн талаар тэрээр дурсаж байлаа.

Монголын сагсан бөмбөгчид Зүүн Азийн АШТ-д оролцоно

Монголын эрэгтэй шигшээ багийг хүлээж буй том тэмцээн - Зүүн Азийн АШТ! #EastAsiaChampionship

Монголын сагсан бөмбөгийн холбоо анх 2000 онд FIBA буюу Олон Улсын Сагсан Бөмбөгийн Холбоонд гишүүнээр элсэж, Ази тивийн салбар холбоо тэр дундаа Зүүн Азийн бүсийн отгон гишүүдийн нэгээр ажилласаар ирсэн.

"Саппоро-2017" наадамд оролцох баг тамирчдыг үдэн гаргалаа

Монголын баг тамирчид Азийн өвлийн наадамд 1986 оноос оролцож эхэлжээ. 2017 оны найм дахь удаагийн "Саппоро 2017" наадмын Монголын багийн тугчаар Биатлоны тамирчин Э.Бархүү сонгогдсон байна. 
Азийн өвлийн наадмын Монголын багийн бүх цаг үеийн тугчдыг танилцуулъж байна.