Мэдээ

МОНГОЛЫН БАГ ТОП 4-д ШАЛГАРЛАА

Бүтэн сар хагасын турш үргэлжилж буй FMJD-ийн "Үндэстнүүдийн цом" тэмцээн өндөрлөх шатанд орлоо. Энэхүү онлайн тэмцээнд эрэгтэй 29, эмэгтэй 11 улсын баг гараанаас эхлэн өрсөлдсөн бөгөөд манай бүсгүйчүүд (дундаж нас нь 18.25) шөвгийн дөрөвт шалгараад байна. Тэд тэмцээний эхний шатанд Голланд, Суринам, Эстони, Бразил, Беларусийг хожин, Латви, Израиль, БНХАУ-тай тэнцэн, ОХУ, Украинд дийлдэн хэсгээсээ дөрөвдүгээр байраар шалгарсан юм. Улмаар хасагдах шатанд ОУИМ Жан Ю, Жао Ханчинь тэргүүтэй БНХАУ-ын хүчтэй багийг хоёр тоглолт дараалан 6:2, 8:0-оор илүүрхсэн.

В.ЩЕГОЛЕВ МОНГОЛД

Дэлхийн хошой аварга (1960, 1964) Вячеслав Щеголев, ЗХУ-ын гавьяат дасгалжуулагч, даамын бодлого зохиогч Алексей Сальников нар Монгол оронд 1983 онд айлчилсан билээ. Тэд манай даам сонирхогчидтой уулзалт болон зэрэг тоглолт хийсний зэрэгцээ БНМАУ-ын аварга шалгаруулах 9 дэх удаагийн тэмцээнд урилгаар оролцсон юм. Тус тэмцээнд Москвагийн их мастер 12 хожиж, 1 тэнцсэн амжилтаар хялбархан түрүүлснийг хүснэгтээс үзнэ үү.

Б.НАНДИНЦЭЦЭГ ДЭЛХИЙН АВАРГАТАЙ ТЭНЦЭВ

100 буудалт даам, бразил даам, орос даамаар дэлхийн аварга цолыг хүртсэн цорын ганц даамчин болох Оросын супер их мастер Александр Шварцман www.lidraughts.org сайтаар 40 тоглогчтой зэрэг тоглолт хийлээ. Дээрх "азтанууд"-ын нэгээр ДДХМ Б.Нандинцэцэг сонгогдсон талаар бид мэдээлж байсан билээ. Бямба гаригт болсон уг зэрэг тоглолт стандарт цагаар (80 мин + нүүдэл бүрт 1 мин бонус) явагдаж, А.Шварцман 20 хожиж, 14 тэнцэж, 6 тавилд ялагдал хүлээсэн байна. Манай тамирчин дэлхийн аваргатай 63 дахь нүүдэл дээрээ тэнцсэн байна.

“ҮНДЭСТНҮҮДИЙН ЦОМ”-Д ӨРСӨЛДӨХ БАГ ТОДОРЛОО

Цар тахлын үед хөл хориог үр бүтээлтэй өнгөрүүлэх, тамирчдын бэлтгэлжилтийг алдагдуулахгүй байх зорилгоор Дэлхийн даамын холбооноос “Үндэстнүүдийн цом” онлайн тэмцээнийг зохион байгуулахаар болсон билээ. Зургадугаар сарын 15-наас наймдугаар сарын 2-ны өдрүүдэд түргэн тоглолтын төрлөөр явагдах тус тэмцээнд оролцох Монголын баг тамирчид тодорлоо. Тэмцээнд нийтдээ 30 шахам тамирчин бүртгүүлсэн бөгөөд олон улсын чансаагаар нь жагсаан эрэгтэй, эмэгтэй тус бүр эхний 8 тамирчныг сонгон шалгаруулсан болно.

ОРХОНЫ ДААМЧИД БҮТЭЭН БАЙГУУЛАЛТАД ХУВЬ НЭМРЭЭ ОРУУЛАВ

Эрдэнэтийн ард иргэд, хүүхэд багачууд эрүүл агаарт чөлөөт цагаа зөв боловсон өнгөрүүлэх, эрүүл мэнд, бие бялдраа хөгжүүлэх, тоглож наадах орчин нөхцлийг бүрдүүлэх зорилготой Спортын 9 цогц талбайн бүтээн байгуулалтад Орхон аймгийн даамын холбоо болон өсвөрийн даамчид бид "1 ХҮН 1 ШУУЙДАЙ ЦЕМЕНТ" аянд нэгдэн 22 шуудай цемент хандивлалаа. Үүнд:

Б.ЭНХРИЙЛЭН: НАМАЙГ ДЭЛХИЙН АВАРГА БОЛОХОД МАНАЙ ДААМЧИД ТӨРИЙН ДУУЛЛАА ХАМТ ДУУЛСАН

 Дэлхийн даамын холбооны дэд мастер “Шавь”, “Ирээдүй” клубийн тамирчин Б.Энхрийлэн оюуны спортод зургаан настайдаа анх хөл тавьжээ. Өдгөө ес дэх жилдээ даамаар хичээллэж буй тэрбээр 2015 онд Узбекистаны нийслэл Ташкент хотод зохион байгуулсан Азийн АШТ-д түрүүлж, Нидерландын Хикен хотод болсон ДАШТ-д амжилттай оролцсон юм. Тэгвэл 2017 онд Польш улсын Дабки хотод зохион байгуулсан өсвөр, залуучуудын ДАШТ-ий турк даамын төрөлд тэргүүлж, дэлхийн аварга болжээ. Өнгөрсөн жил Монголын даамын холбооны өсвөр үеийнхний УАШТ-д 21 аймаг, есөн дүүргийн 714 тамирчин таван төрөлд 40 багц медалийн төлөө өрсөлдөхөд Б.Энхрийлэн хоёр алт, нэг хүрэл медаль өвөртөлсөн билээ. Түүнийг “Залуус” буландаа урьж ярилцлаа.

Р.АЛИАСЫН ШИНЭ САНАА

Дэлхий нийтийг түгшээж буй коронавирусын улмаас олон оронд хөл хорио тогтоож, Европын зарим улсад хүмүүс хоорондоо 2 метрээс ойртох ёсгүй гэсэн журам баримталж буй. Голландын даамчин Рауль Алиас эрсдэлээс ч сэргийлсэн, журамд ч нийцэх нэгэн арга бодож олжээ. Ингэхийн тулд тоглогчид хоорондоо зайтай сууж, нүүдэл хийхдээ саваа мод ашиглах гэнэ. Тэрбээр ийм аргаар тэмцээн явуулах боломжтой гэж үзэж байгаа бөгөөд сошиал хуудсаар дамжуулан Нидерландын даамын холбоо (KNDB)-нд өөрийн санааг хүргүүлж байгаа нь энэ.

 

Ц.ХАШЧУЛУУН: ДААМЫГ ЗӨВ ТОГЛОЖ СУРАХ ШИГ ХЭЦҮҮ ЮМ БАЙХГҮЙ

-2017 оны “Монголиа Опен” тэмцээнд дэлхийн аварга А.Георгиевтэй таарч тоглосон. Анх удаагаа таарсан болохоор эхлээд жаахан сандарсан ч цаг дараад тоглолт эхэлснээс хойш ямар ч сандрал байгаагүй. Дэлхийн олон удаагийн аварга хүн надаас илүү байх нь ойлгомжтой болохоор өөрийнхөөрөө л тоглоод үзье гэж бодож байсан. Өөрийнхөө тоглодог өргөө гаргаж тоглож чадсан. Манайхнаас энэ аваргатай тэнцэж байсан тамирчид бол бий. Харин хожиж байсан хүн байхгүй. Энэ тэмцээний үндсэн төрлийн дараа түргэн тоглолт болоход супер их мастер А.Гетманскийг ялах завшаан олдсон.

ДААМЫН ХОЛБОО ДЭЛХИЙН АВАРГЫН БҮТЭЭЛИЙГ ЦУВРАЛААР ГАРГАНА

Дэлхий дахиныг хамарсан цар тахлын улмаас спортын бүх тэмцээн, уралдаан цуцлагдаад байна. Тамирчид гэр гэртээ бэлтгэл хийж, спортын заал танхим хоосроод байгаа билээ.

Харин энэ үеийг үр бүтээлтэй ашиглан, манай даамын холбооноос даам сонирхогчдодоо хоёр шинэ номоор бэлэг барилаа.



Олон улсын их мастер Р.Манлай даамын дэлхийн 7 удаагийн аварга И.Куперманы шилдэг бүтээл болох “Практик комбинац” хэмээх цуврал номын эхний хоёр дэвтрийг орчуулан гаргалаа.

Удахгүй болох үйл явдал

Товлогдсон үйл явдалгүй