Мэдээ

Ц.ОТГОНБИЛЭГ, Э.ХҮСЛЭН НАР ОНЫ ШИЛДЭГТ НЭР ДЭВШИВ

Жил бүрийн төгсгөлд Монголын Спортын Сэтгүүлчдийн Холбоо (MSPU)-ны гишүүн спортын сэтгүүлчдийн саналаар оны шилдэг тамирчин, багийг тодруулдаг уламжлалтай. Тус холбооноос 2018 оны шилдэг тамирчинд нэр дэвшсэн эмэгтэй 11, эрэгтэй 7 тамирчны нэрсийг спорт тоглоомын багуудын хамтаар зарлажээ. Энэ удаагийн санал асуулгад манай хоёр даамчин буюу Азийн АШТ-д амжилттай оролцон ДАШТ-д оролцох эрх авсан ОУМ Ц.Отгонбилэг, ДДХМ Э.Хүслэн нарын нэр дэвшжээ. Otuk OB Enkhbold Khuslen нартаа амжилт хүсье.

“CHAMPIONS”-ЫН ДӨРӨВ ДЭХ ТҮРҮҮ

Монголын даамын холбооны ерөнхийлөгч А.Ундраагийн нэрэмжит 2018 оны багийн улсын аварга шалгаруулах тэмцээн энэ сарын 7-9-нд нийслэлийн 73-р дунд сургууль дээр зохиогдлоо. 17 дахь удаагаа зохиогдсон тус тэмцээнд 14 багийн 70 гаруй тамирчид өрсөлдсөн юм.

Швейцарь системээр 7 өрөг тоглож дүнгээ гаргахад ОУИМ Д.Эрдэнэбилэг ахлагчтай “Champions” баг 11 оноогоор түрүүлж, ДДХМ Ц.Сүхбат ахлагчтай “Хасу Мегастарс” клубийн 1-р баг, спортын мастер Б.Батжаргал ахлагчтай “BBG master” багууд тус бүр 10 оноогоор удаалав. “Champions” багийн хувьд энэ тэмцээнд өмнө нь 2010, 2012, 2016 онуудад аваргалж байв. Шагналт IV-V байранд ОУИМ Р.Манлай ахлагчтай “Алтан хүү” клубийн 1-р баг, спортын мастер Д.Чойжилсүрэн ахлагчтай 42-р сургуулийн 1-р багууд орсон юм.

НАТАЛИЯ САДОВСКА: ДАРААГИЙН ЗОРИЛГО БОЛ ЕВРОПЫН АВАРГА БОЛОХ

Латвийн Ригад эмэгтэйчүүдийн дэлхийн аварга цолны төлөөх халз тоглолт болж өндөрлөсөн билээ. Тэртээ 1986 онд л даамын оргилд нь гарчихсан, асар их туршлагатай Зоя Голубева (Латви) ээлжит ялалтаа байгуулах уу, эсвэл шинэ үеийн төлөөлөгч Наталия Садовска (Польш) ялах уу? Шинэ, хуучны аль нь илүү вэ? Энэхүү мөнхийн асуултын хариу одоо болтол олдоогүй гэхэд болно. Заримдаа хуучны аваргууд, заримдаа шинэ үеийн шилдгүүд ялж байдаг нь амьдрал үргэлж нэг хэвээрээ байдаггүйн нотолгоо буюу.

ТҮРГЭН ТОГЛОЛТЫН УЛСЫН АВАРГУУД ТОДОРЛОО

Монголын даамын холбооноос блиц, рапид тоглолтын улсын аварга шалгаруулах тэмцээнээ энэ сарын 1-2-ны өдрүүдэд Чингэлтэй дүүргийн 39-р сургууль дээр зохион байгууллаа. Түргэн тоглолтын эдгээр төрлүүд нь 5-15 минутын хугацаанд тоглодог онцлогтой бөгөөд энэ тэмцээнээс олон улсын чансаа тооцсон юм. Мөн амжилттай оролцсон тамирчид ирэх жил Латви, Голланд улсад зохиогдох ДАШТ-д тоглох эрхийг авсан.

Б.МИШЭЭЛ: АМЖИЛТАА БАТАЛЖ, ДЭЛХИЙН АВАРГА БОЛОХ НЬ МИНИЙ ЗОРИЛТ

-Дөрвөн жилийн өмнө Р.Нармандах багшаар даам заалгаж байлаа. 2014 онд сургуулийнхаа аварга шалгаруулах тэмцээнд оролцон, мөнгөн медаль хүртээд их урамшсан. Тэгээд л эл спортод дурлан, өдий хүртэл тоглож байна. Намайг даамчин болоход их мастер, дэлхийн таван удаагийн аварга Тамара Тансыккужина их нөлөөлсөн. Түүнтэй тоглож үзэхийг хүсдэг. Би одоо бэлтгэлээ их мастер Г.Ганжаргал багшийн удирдлагад хийдэг юм. Бэлтгэлээ долоо хоногт гурван өдөр, нэг удаадаа 3-4 цагаар базаадаг. Багш минь туршлагатай болохоор надад түшигтэй. Манай удамд надаас өөр даамчин байхгүй. Аав, ээж хоёр эл спортыг сонирхдоггүй. Би гэртээ байхдаа интернэтээр даам тоглодог.

39-Р СУРГУУЛИЙН БАГ ТҮРҮҮЛЭВ

39-р сургуулийн нэрэмжит Чингэлтэй дүүргийн ЕБС-иудын багийн аварга шалгаруулах зуун буудалт даамын тэмцээн болж өндөрлөлөө. Тэмцээнд дүүргийн 8 сургуулийн 12 баг өрсөлдсөн бөгөөд Бөхчулуун захиралтай 39-р сургуулийн баг тэргүүлж, тус тэмцээнд найм дахь удаагаа аваргалсан байна. Удаах байруудыг Б.Дамдинбазар дасгалжуулагчтай 57-р сургууль, Г.Пүрэвсүрэн дасгалжуулагчтай 61-р сургуулийн багууд эзэлжээ. Тэмцээний үеэр дүүрэг, хот, улс, тив, олон улсын тэмцээнээс медаль хүртсэн, шагналт байр эзэлсэн тамирчин, сурагчдын материалаар үзэсгэлэн гаргасан байна.  

МЕДАЛЬТНУУДАД БАЯР ХҮРГЭВ

Беларусийн улсын Гомель хотноо зохиогдсон зуун буудалт даамын өсвөр, залуучуудын ДАШТ-ээс алт, мөнгөн медаль хүртсэн "Монгени" сургуулийн сурагч, спортын дэд мастер Б.Есүй, 84-р сургуулийн сурагч, спортын мастер Б.Мишээл нарыг Монголын даамын холбооны ерөнхийлөгч, УИХ-ын гишүүн А.Ундраа хүлээн авч уулзан, баяр хүргэв. Тэмцээний дэлгэрэнгүй мэдээллийг http://gomel18.fmjd.org вэб хуудаснаас авна уу.

БЛИЦ, РАПИД ТОГЛОЛТЫН УЛСЫН АВАРГА ШАЛГАРУУЛАХ ТЭМЦЭЭНИЙ УДИРДАМЖ

Нэг. Нийтлэг зүйл

  1. Тэмцээнийг Монголын даамын холбоо, “Алтан хүү” клуб, 39-р сургууль, “Шилмэл мах” ХХК-иуд хамтран зохион байгуулна.
  2. Тэмцээн Монголын даамын холбооны дүрмийн дагуу явагдана.
  3. Оны шилдэг даамчныг тодруулах “Final 2018” тэмцээнд оролцох тамирчдыг сонгон шалгаруулахад тус тэмцээний дүнг тооцно.

Хоёр. Хугацаа, зохиогдох газар, бүртгэл

ДДХМ С.ДАВААДОРЖ ТҮРҮҮЛЭВ

Монголын даамын холбоо, "Алтан хүү" клубээс хамтран зохион байгуулдаг чансааны оноо олгох цувралын энэ оны 8 дахь тэмцээн өнгөрөгч ням гаригт Техник технологийн дээд сургууль дээр боллоо. Рапид буюу түргэн тоглолтын төрлөөр зохиогдсон тус тэмцээнд 56 даамчин ухаанаа уралдуулсан бөгөөд хөдөө орон нутгаас Ховд, Говьсүмбэр, Дорноговь, Орхон аймгийн тамирчид ирж оролцсон юм. Швейцарь системээр 9 өрөг тоглож дүнгээ гаргахад адилхан 14 оноотой гурван тамирчин гарсан бөгөөд коэффициентийн зөрүүгээр ДДХМ С.Даваадорж тэргүүлэн, ОУИМ Р.Манлай, ДДХМ Ц.Сүхбат нар удаалав.

З.ГОЛУБЕВА ЮУ, Н.САДОВСКА ЮУ?

Латвийн нийслэл Рига хотноо 100 буудалт даамын эмэгтэйчүүдийн дэлхийн аварга цолны төлөөх халз тулаан өнөөдөр эхэлж байна. Даамын "хатан хаан"-ы титмийн төлөө дэлхийн 16 удаагийн аварга, Латвийн их мастер Зоя Голубева, 2016 оны дэлхийн аварга, Польшийн их мастер Наталия Садовска нар өрсөлдөнө. Нийтдээ 9 тавил өрсөлдөх бөгөөд өрсөлдөгчид 80 мин+1 минутын цагтай стандарт тоглолтод тэнцсэн тохиолдолд 20 мин+5 секундын цагтай рапид, рапид тоглолтод тэнцвэл 5 мин+3 секундын цагтай блиц тоглолт хийх юм.

Удахгүй болох үйл явдал