Даамын ертөнцөд

"МОНГОЛЫН ШАТАР, ДААМ" СОНИН

1992 оны үед гарч байсан "Монголын шатар, даам" сонины нэгэн дугаарыг даам сонирхогчдоо толиуулъя. 8 нүүрээр гарч байсан тус сонины арын хоёр хуудсанд даамын спорттой холбогдолтой мэдээ материал гарч байжээ. Тухайлбал зуун буудалт даамын түүхийн холбогдолтой "Даамын увдис юунд оршдог вэ", "Манурийн цайны газар", "Мэлхийн үсрэлт үү, аль эсвэл" нийтлэл, Дэлхийн даамын холбоо буюу FMJD-ийн танилцуулга, 1991 онд Монгол Улсад зохион байгуулагдсан "Улаанбаатар 91", "Найрамдал 91" тэмцээний дүн мэдээ, Казахстан улсад зохиогдсон олон улсын тэмцээнээс 14 настай сурагч Г.Ганжаргал мөнгөн медаль хүртсэн тухай, шатарчид даамын талаар юу гэж хэлсэн тухай, бодлого бодолтын уралдааны зарлал, сонирхолтой мэдээ зэрэг нийтлэл материал нийтлэгдсэн байна. Сонины редакцийн бүрэлдэхүүнд даамын спортын дэд мастер Г.Ванчий ажиллаж байжээ.

TURKISH OPEN-ИЙ ДҮН МЭДЭЭ

Гуравдугаар сарын 7-14-нд Турк улсын Анталия хотноо Turkish Open тэмцээн болж өндөрлөлөө. Дэлхийн олон оронд мөрдөгдөж буй хөл хорионы дэглэмийн улмаас Туркийн нээлттэй тэмцээнд ердөө 20 гаруйхан тамирчин оролцсон байна. Хэдий тийм ч нийт оролцогчдын 85-иас дээш хувь нь олон улсын цолтой тамирчид байв. Өрсөлдөөн энэ хэрээр ширүүхэн өрнөж, Нидерландын залуу их мастер Мартин ван Айзендорн 13 оноогоор ялагчаар тодорч, түүний нутаг нэгт ОУИМ Ян Гронендейк, экс-дэлхийн аварга ОУИМ Гунтис Валнерис (Латви) нар тус бүр 12 оноогоор удаалжээ.

АЗИЙН АШТ ХОЙШЛОГДЛОО

FMJD ирэх жилийн насанд хүрэгчдийн ДАШТ-ийг 2021 оны гуравдугаар сарын 13-30-ны өдрүүдэд Эстони улсын нийслэл Таллин хотноо зохион байгуулахаар болжээ. Энэ удаа эрэгтэй, эмэгтэй төрлийн тэмцээн зэрэг болох бөгөөд эрэгтэйчүүдийн ангилалд 40 тамирчин дөрвөн хэсэгт хуваагдан өрсөлдөж, хэсэг тус бүрээс шалгарсан 3, нийт 12 тоглогч шигшээ тоглолтод шалгарах ажээ. Харин эмэгтэй ангилалд 16 тамирчин тойргийн журмаар өрсөлдөнө.
Сонгон шалгаруулалтын тухайд Ази тивээс эрэгтэй 4, эмэгтэй 3 тамирчин ДАШТ-д оролцох эрхийг авна. Өөрөөр хэлбэл энэ жилийн Азийн АШТ-ээс дэлхийн аваргын эрх олгох учиртай. Гэвч энэ оны дөрөвдүгээр сард зохиогдох байсан тивийн аварга шалгаруулах тэмцээн дэлхийн олон оронд нүүрлээд байгаа халдварт өвчний улмаас тодорхойгүй хугацаагаар хойшлогдсоныг Азийн даамын холбоо (ADC)-ноос бидэнд мэдэгдлээ.

HIJKEN DTC ЛИГИЙН ТЭМЦЭЭНИЙ ЯЛАГЧ

Голландын клубүүдийн дунд зохиогддог лигийн тэмцээний 2019/20 оны улирлын ялагчаар Hijken DTC клуб тодорлоо. Ereklasse буюу Дээд лигт 10 дараалан хожоод байсан тус баг сүүлчийн тойрогт гол өрсөлдөгч Denk en Zet Culemborg-той тэнцсэнээр 21 дэх оноогоо авч, хоёр дахь жилдээ дараалан аваргалсан юм. Их мастер К.Тайссен, П.Меурс, Ж.Нжофанг нарыг эгнээндээ багтаасан Denk en Zet Culemborg 20 оноогоор удаалав. Тэд гуравдугаар байрт орсон Van Stigt Thans багтай мөн оноо хуваасан юм. Сонирхуулахад даамын эх орон Голландад муж, хотын төлөөлөл болсон клубүүдийн дунд жил бүр лигийн тэмцээн зохиогддог бөгөөд нийт 10 түвшний лигт 120 баг өрсөлддөг байна.

БИД ДААМЫН СПОРТЫГ УРЛАГ ГЭЖ ОЙЛГОДОГ

Дэлхийн даамын холбооны мастер Б.Мөнхжин, спортын мастер Б.Анужин нар ихэр. Тэд багаасаа оюуны спортоор хичээллэж, тэмцээнд амжилт гаргасаар иржээ. Тухайлбал, Б.Мөнхжин 2014 онд Эстонийн нийслэл Таллинд зуун буудалт даамын өсвөрийн ДАШТ-ээс мөнгөн медаль өвөртөлсөн. 2019 онд Б.Анужин Туркийн Измирт зохион байгуулсан өсвөрийн ДАШТ-ий хурдан тоглолтын (блиц) төрөлд мөн мөнгөн медаль хүртсэн юм. Тэмцээнд тэд хүчтэй өрсөлдөгч, харин бэлтгэлийн үед хамгийн сайн зөвлөгч болдог. Даамчин охид анх “Шавь” клубийн дасгалжуулагч Р.Нармандахаар заалган, дараа нь “Хасу мега старс” клубийн багш, ОУИМ Д.Баттулга, өдгөө “Алтан хүү” клубийн багш ОУИМ Р.Манлайгийн удирдлагад үргэлжлүүлэн хичээллэж байна. Тэднийг “Шинэ танил” буланд урьж, ярилцав.

АРХАНГАЙ АЙМГИЙН АШТ-ИЙ ДҮН

Нэгдүгээр сарын дундуур зохиогдсон Архангай аймгийн аварга шалгаруулах өсвөр үеийн тэмцээний дүн мэдээг танилцуулъя.

5-7 нас. Хөвгүүд

1. Б.Анхтөр

2. Б.Батпүрэв

3. У.Энххүлэг

 

5-7 нас. Охид

1. Д.Номин-Эрдэнэ

2. Д.Маргад

3. Т.Гэрэлцэцэг

 

8-10 нас. Хөвгүүд

1. Б.Анхбат

2. Э.Цэлмүүн

3. Ц.Жанчивсүрэн

 

8-10 нас. Охид

1. Ч.Аминхүслэн

2. Ц.Буянцэцэг

3. Г.Хүслэнзаяа

 

ДААМЫН ЦУВРАЛ ХИЧЭЭЛЭЭ "ЮНИВИШН"-ЭЭС ҮЗЭЭРЭЙ

Монголын даамын холбоо, “Ангар” агентлагийн хамтын бүтээл “Зуун буудалт даам” цуврал хичээл “Юнивишн”-ий видео санд орлоо. Зуун буудалт даамын гарал үүсэл, ач холбогдол, дүрэм, анхан шатны техник, сэдэвт цохилтуудаас бүрдсэн энэхүү 28 цуврал хичээлийг “Гэрийн багш” багцаас үзээрэй.

Дашрамд сонирхуулахад “Юнивишн” компани нийгмийн хариуцлагынхаа хүрээнд хүүхдийн боловсрол, танин мэдэхүйд зориулан бэлтгэсэн сонирхолтой контент бүхий “Гэрийн багш” цэсээ 3-р сарын 1 хүртэл 100% үнэгүй болгоод байгаа юм.

БАЯНХОНГОР АЙМГИЙН АШТ-ИЙ ДҮН

Баянхонгор аймгийн аварга шалгаруулах 100 буудалт даамын тэмцээн нэгдүгээр сарын дундуур Баянцагаан суманд боллоо. Тус тэмцээнд Баян-Өндөр, Шинэжинст, Бөмбөгөр, Заг, Баянговь, Баянцагаан сумд болон “Эрдэм”, “Соого Сейкео”, “Номгон”, “Эрдэнэмандал” сургуулийн 240 гаруй тамирчид өрсөлдсөн байна.

                                                                ТЭМЦЭЭНИЙ ДҮН

5-7 нас. Охид: 1.Хонгорзул (4-р сургууль) 2.С.Наранхүү (Баянцагаан) 3.О.Оюунсүрэн (Номгон)

ДААМ БОЛ СПОРТ, БАС УРЛАГ

Украины их мастер Виктория Леонтьевна Мотричко 1989 оны 3-р сарын 10-нд Одесст төржээ. Түүний томоохон амжилтуудаас дурвал бразил даамын дэлхийн аварга (2007) болж, орос даамаар ДАШТ-ий мөнгө (2005), хошой хүрэл (2009, 2011) медаль хүртэж, Дэлхийн оюуны спортын анхдугаар наадам (2008), Европын АШТ (2014)-д түрүүлсэн. Харин зуун буудалт даамаар ДАШТ-ий 3 мөнгө, 2 хүрэл, Европын аваргын 4 мөнгө, 4 хүрэл, 1 хүрэл медальтай. Түүний Одессийн нэгэн сонинд өгсөн ярилцлагыг орчуулан хүргэе.  

УАШТ-Д ОРОЛЦОХ ТАМИРЧИД ШАЛГАРАВ

Монголын даамын холбооны 2020 оны насанд хүрэгчдийн улсын аварга шалгаруулах хагас шигшээ тэмцээн сарын 10-12-ны өдрүүдэд боллоо. Чингэлтэй дүүргийн 39-р сургууль дээр зохиогдсон тус тэмцээнд 19 аймаг, нийслэлийн 7 дүүргийн эрэгтэй 185, эмэгтэй 97 тамирчин өрсөлдсөн. Швейцарь системээр эрэгтэйчүүд 10, эмэгтэйчүүд 9 өрөг тоглож дүнгээ гаргасан бөгөөд ангилал тус бүрийн эхний 9 байрт шалгарсан тамирчид УАШТ-д оролцох эрхээ авлаа. Насанд хүрэгчдийн улсын аварга шалгаруулах шигшээ тэмцээн 5 дугаар сарын 25-31-нд болно.

 

Удахгүй болох үйл явдал

Товлогдсон үйл явдалгүй