Даамын ертөнцөд

ХҮҮХДИЙН СПОРТЫН VI ИХ НААДАМ ЭХЭЛЛЭЭ

Монголын хүүхдийн спортын VI их наадмын зуун буудалт даамын тэмцээн эхэллээ. Зуун буудалт даамын спорт 2003 оноос эхлэн тус наадмын хөтөлбөрт орсон түүхтэй. Энэ удаагийн наадамд 18 аймаг, 7 дүүргийн 143 тамирчин 8-10, 11-13, 14-16 насны ангиллаар өрсөлдөж байгаа юм. Хан-Уул дүүргийн Ажилчдын соёлын ордонд зохиогдож буй тус тэмцээн гурван хоног үргэлжилж, бямба гаригт өндөрлөх юм.

Ц.ХАШЧУЛУУН ХАМГИЙН ӨНДӨР ОНООТОЙ

Монголын даамын холбоо, “Алтан хүү” клубээс хамтран зохион байгуулдаг Дээд лигийн тэмцээн туулах замынхаа 2/3-ыг ардаа орхилоо. Тодруулбал хоёрдугаар сарын 22-24-нд зохиогдсон “Чингис Опен”, гуравдугаар сарын 31-нд зохиогдсон рапид, дөрөвдүгээр сарын 19-21-нд зохиогдсон Хаврын гран-при, тавдугаар сарын 24-26-нд зохиогдсон Зүтгүүрийн депогийн тэмцээн, долдугаар сарын 6-нд зохиогдсон “Эрчим Кап”, наймдугаар сарын 16-18-нд зохиогдсон “Эрдэнэт Опен” тэмцээнүүдэд давхардсан тоогоор 568 даамчин оролцжээ.

2019 ОНЫ ОЮУТНЫ УЛСЫН АВАРГА ШАЛГАРУУЛАХ ТЭМЦЭЭНИЙ УДИРДАМЖ

Нэг. Нийтлэг зүйл
- Тэмцээний зорилго нь зуун буудалт даамыг сурталчлан хөгжүүлэх, 2019 оны оюутны улсын аваргуудыг шалгаруулахад оршино.
- Тус тэмцээнийг Монголын даамын холбоо, Техник технологийн дээд сургууль, 1975, 1977 оны улсын аваргын хүрэл медальт, спортын мастер С.Лхагвасүрэн агсны гэр бүл, үр хүүхдүүд хамтран зохион байгуулна.
- Тэмцээн Монголын даамын холбооны дүрмийн дагуу явагдана.

ОРОС ДААМЫН УЛСЫН АВАРГУУД ТОДОРЛОО

64 буудалт даамын насанд хүрэгчдийн улсын аварга шалгаруулах тэмцээн 8-р сарын 24-25-ны өдрүүдэд Техник технологийн дээд сургууль дээр боллоо. Орос даамын төрлөөр зохиогдсон тус тэмцээнд нийт 45 тамирчин өрсөлдсөн бөгөөд ОХУ-ын Эрхүү муж, Буриадын даамчид ирж оролцсон юм. Швейцарь системээр 9 өрөг тоглож дүнгээ гаргахад эрэгтэйчүүдээс спортын мастер Б.Пүрэвбаатар 14 оноо авсан амжилтаар аваргалж, ДДХМ Г.Гэрэлболд 13, спортын мастер Б.Сэр-Од 12 оноогоор мөнгө, хүрэл медалийн эзнээр тодорлоо. Харин эмэгтэйчүүдээс спортын мастер Б.Анужин 14, ДДХМ Б.Нандинцэцэг 13, спортын мастер Г.Энхтуяа 11 оноогоор эхний гурван байр эзэлсэн байна. Дашрамд сонирхуулахад 64 буудалт даамын УАШТ өмнө нь 1953, 1954, 1956, 2008, 2015, 2016, 2017, 2018 онуудад зохиогдож байжээ. 

Ц.ОТГОНБИЛЭГИЙН ЭХНИЙ УЧРАА И.ТРОФИМОВ

Есдүгээр сарын 14-нөөс аравдугаар сарын 4-нд Кот д'Ивуар буюу Зааны ясан эрэг улсын нийслэл Ямусукро хотноо эрэгтэйчүүдийн насанд хүрэгчдийн дэлхийн аварга шалгаруулах 60 дахь удаагийн тэмцээн болно. Шилдэг 20 даамчин тойргийн журмаар өрсөлдөх тус тэмцээнд Монгол Улсыг төлөөлж, "Хийморь хөлөг" клубийн тамирчин ОУМ Цэрэнбямбын ОТГОНБИЛЭГ оролцоно. Тэрбээр өнгөрсөн жил Азийн АШТ-д амжилттай оролцож, дээрх эрхийг авсан билээ. Ц.Отгонбилэг нь өдгөө Япон улсад сурч байгаа бөгөөд спортын мастер Ц.Эрдэмбилэг, М.Бямбасүрэн нарын хамтаар ДАШТ-ий бэлтгэлээ базааж байгаа юм.

М.ХИШИГБАЯР ДЭЛХИЙН АВАРГА БОЛЛОО

Хэдхэн сарын өмнө Узбекистанд болсон Хөгжлийн бэрхшээлтэй иргэдийн Ази тивийн АШТ-ээс алтан медаль хүртэж байсан спортын мастер Мижгээгийн ХИШИГБАЯР ээлжит амжилтаа гаргаж, дэлхийн аварга боллоо. Тодруулбал, наймдугаар сарын 21-31-нд Польш улсын Закопане хотод зохиогдсон 100 буудалт даамын Хөгжлийн бэрхшээлтэй иргэдийн ДАШТ-д аваргалжээ. Гурав дахь удаагаа зохиогдсон тус тэмцээнд 14 улсын 80 шахам тамирчин оролцсон бөгөөд эмэгтэйчүүдийн насанд хүрэгчдийн ангилалд өрсөлдсөн тэрбээр 4 хожиж, 3 тэнцэн, нийт 11 оноо авсан амжилтаар түрүүлсэн аж.

А.ГЕОРГИЕВ, Т.ТАНСЫККУЖИНА НАР “XINGQIU CUP 2019”-Д АВАРГАЛАВ

Долоо дахь жилдээ зохиогдсон “Xingqiu cup 2019” тэмцээн 8-р сарын 17-22-ны өдрүүдэд БНХАУ-ын Лишуй хотод явагдаж дүнгээ гаргав.

Энэ удаагийн тэмцээнд нийт 109 даамчин 9 өрөг тоглож дүнгээ гаргахад эрэгтэйчүүдийн ангилалд 1-р байрыг ОУИМ А.Георгиев (ОХУ) 14, 2-р байрыг ОУИМ А.Гетманский (ОХУ) 13, 3-р байрыг ОУИМ Г.Валнерис (Латви) 13 оноогоор тус тус эзэлсэн бол эмэгтэйчүүдийн ангилалд 1-р байрыг ОУИМ Т.Тансыккужина (ОХУ) 13, 2-р байрыг ОУИМ В.Мотричко (Украйн) 12, 3-р байрыг ОУИМ Н.Садовска (Польш) 12 оноогоор тус тус эзэллээ.

 

Б.МӨНХЖИН "USA OPEN 2019"-ИЙН ДЭД АВАРГА

АНУ-ын Нью-Йорк мужийн Хантингтон хотноо "USA Open 2019" олон улсын тэмцээн болж өндөрлөлөө. Тус тэмцээнд манай 4 тамирчин оролцсоноос ОУИМ Б.Мөнхжин 9 оноогоор II, ОУИМ Р.Манлай 9 оноогоор V, ОУИМ Б.Мишээл 8 оноогоор IX, дэд мастер Б.Нандинчимэг 4 оноогоор XIII байр тус тус эзэлжээ. Тэмцээний аваргаар ОУМ Евгений Скляров (АНУ) тодорсон байна.

Ц.ХАШЧУЛУУН "ЭРДЭНЭТ ОПЕН 2019"-ИЙН ЯЛАГЧ

Спортын мастер Ч.Хишгээгийн нэрэмжит ERDENET OPEN дээд лигийн тэмцээн 2019 оны 8 дугаар сарын 16-18-ны өдрүүдэд Орхон аймагт боллоо. Тус тэмцээнд 6 аймаг, 5 дүүрэг, 7 клубийн нийт 99 тамирчин ухаанаа уралдуулсан бөгөөд оролцогчдыг цол зэргээр нь ангилбал ОУИМ 1 ДДХМ 6 спортын мастер 17, дэд мастер 33 байв.

Спортын мастерын 1 баллыг 3 тамирчин биелүүлсэн бөгөөд үүнээс Г.Сүхбат (Дархан-Уул), Б.Сайнжаргал (Орхон) нар спортын мастер цолны болзлоо хангав. Мөн Г.Ууганжаргал (Завхан) дэд мастер болж, Б.Амарбаясгалан (Чингэлтэй) дэд мастерын 2 балл, Ш.Сумъяадорж (Дорноговь), З.Аргабилэг (Сонгинохайрхан), Х.Баттулга (Алтан хүү) нар 1 балл биелүүлжээ.

ДАШТ-Д ОРОЛЦОХ ТАМИРЧИД ТОДОРЛОО

Дүн гарахад залуучуудын ангилалд эрэгтэйчүүдээс А.Түшигбаяр (АШУҮИС), Б.Гантогтох (ХААИС), Ц.Чинзориг (СЭЗИС), эмэгтэйчүүдээс Э.Маргад (Хэнтий), Г.Хэрлэнмөрөн (Идэр ИС), Б.Отгон-Эрдэнэ (Ач АУИС) нар УАШТ болон сорилго тэмцээний нийлбэр дүнгээр эхний гурван байрт шалгарч, ДАШТ-д оролцох болзлоо биелүүлсэн байна. Харин өсвөрийн 8-10 насны ангилалд хөвгүүдээс Х.Өнөмөнх (Ирээдүй клуб), Б.Лхагватогтох (Өвөрхангай), Н.Амарбаясгалан (ЧД), охидоос Ц.Цацрал (Ирээдүй клуб), Ц.Мягмарсүрэн (Увс), Г.Шинэсаран (Дорноговь), 11-13 насны ангилалд хөвгүүдээс Б.Сүхбат (Орхон), А.Дашчирэв (Сонгодог байрлал клуб), С.Болор (Өмнөговь), охидоос Э.Хүслэн (Алтан хүү клуб), Б.Есүй (Сонгодог байрлал клуб), Н.Налжормаа (Дорноговь), 14-16 насны ангилалд хөвгүүдээс Б.Энхрийлэн (БЗД), Б.Түвшин (Дорноговь), С.Мөнх-Оргил (Өмнөговь), охидоос Б.Анужин (Хасу-Мегастарс клуб), Б.Мөнхжин (Хасу-Мегастарс клуб), Г.Дүүрэнбилэг (Хэнтий) нар шалгарлаа.

Удахгүй болох үйл явдал

Товлогдсон үйл явдалгүй