ШИГШЭЭ ТЭМЦЭЭНИЙ ШИГТГЭЭ - 1

Зуун буудалт даамын насанд хүрэгчдийн улсын аварга шалгаруулах шигшээ тэмцээн зургадугаар сарын 20-26-ны өдрүүдэд болж өндөрлөсөн билээ. Үүнтэй холбогдуулан тус тэмцээний тухай сонирхолтой баримтуудыг даам сонирхогчдодоо толилуулж байна. Эхний удаад эрэгтэйчүүдийн УАШТ-ий сонирхолтой баримтуудаас сонирхуулъя. 

  • 1966 оны зургадугаар сард улсын аварга шалгаруулах анхдугаар тэмцээн зохиогдож, Төмөр замын хэрэг эрхлэх газрын ажилтан С.Болд түрүүлжээ. Хожим тэрбээр Монголын үндэсний олимпийн хорооны ерөнхийлөгчөөр ажиллаж байв.
  • Түүнээс хойш эрэгтэйчүүдийн УАШТ нийтдээ 43 удаа зохиогджээ.
  • 1985 онд тус тэмцээн зохиогдсонгүй эхний бөгөөд эцсийн удаа завсардсан байна.
  • Нийтдээ 17 даамчин улсын аварга хэмээх эрхэм алдрыг хүртсэн байдаг. 
  • Улсын аварга цолыг хамгийн олон удаа хүртсэн тамирчин бол Монгол Улсын гавьяат тамирчин, Олон улсын их мастер Д.Эрдэнэбилэг. Тэрбээр 13 удаа аваргалснаас гадна 4 мөнгө, 4 хүрэл медаль хүртэж байжээ. Д.Эрдэнэбилэг 1997 онд анхны түрүүгээ авч байсан бол хэдхэн хоногийн өмнө өндөрлөсөн УАШТ-ээс 13 дахь түрүүгээ хүртсэн юм. 
  • Насанд хүрэгчдийн улсын аваргын алдрыг эрэгтэйчүүдээс хамгийн залуудаа хүртсэн тамирчин бол Олон улсын их мастер Г.Ганжаргал. Тэрбээр 1993 онд анх удаа аваргалахдаа 15 нас гүйцэд хүрээгүй байв. Ганжаагийн медалийн цуглуулгад 7 алт, 7 мөнгө, 3 хүрэл медаль байдаг бөгөөд дээрх амжилтаараа бүх цаг үеийн хоёрдугаарт эрэмбэлэгддэг юм. 
  • Ах дүү хоёр даамчин Лодойдамбын Ганбаатар, Гансүх нар улсын аварга шалгаруулах тэмцээнд тус бүр гурван удаа түрүүлсэн нь содон амжилт юм.    
  • Улсын аварга цолыг тус бүр нэг удаа хүртсэн 9 тамирчин байдаг.
  • УАШТ-д хамгийн олон удаа "айрагдсан" тамирчин бол Олон улсын их мастер Р.Манлай. Тэрбээр 1 алт, 4 мөнгө, 1 хүрлээс гадна шагналт IV болон V байранд 10 удаа шалгарчээ.     
  • Олон улсын их мастер Д.Баттулгын амжилт улсын аварга болж чадаагүй бусад даамчдынхаас хол илүү. Тэрбээр 6 мөнгө, 4 хүрэл медаль хүртсэн юм. 
  • Нийт 35 тамирчин УАШТ-ээс медаль хүртсэн статистик байна.

 

Тамирчин                   Алт      Мөнгө              Хүрэл              IV         V          Нийт                           

Д.Эрдэнэбилэг             13        4                      4                      2          2          25

Г.Ганжаргал                 7          7                      3                      3          -           20

Л.Ганбаатар                 3          2                      2                      1          -           8

Л.Гансүх                      3          1                      -                       2          4          10

Т.Пүрэвдорж               2          4                      -                       -           2          8

Л.Барбаатар                2          3                      4                      -           -           9

Б.Ганзориг                   2          -                       2                      1          1          6

О.Түвшинболд             2          -                       1                      2          1          6

Д.Ганболд                   1          4                      2                      -           1          8

Р.Манлай                     1          4                      1                      4          6          16

Ц.Сандууз                    1          2                      1                      2          1          7

С.Батсүх                      1          -                       2                      1          -           4

Г.Гэрэлболд                1          -                       -                       1          1          3

Ж.Нямдорж                 1          -                       -                       -           1          2

С.Тогмид                     1          -                       -                       -           1          2

С.Болд                         1          -                       -                       -           -           1

Д.Жамсран                  1          -                       -                       -           -           1

Д.Баттулга                   -           6                      4                      3          1          14

С.Даваадорж               -           2                      1                      -           3           6

Ц.Отгонбилэг              -           2                      -                       -           2          4

Б.Амарсанаа                -           1                      1                      -           -           2

Д.Эрдэмбилиг             -           1                      -                       -           -           1

Ц.Хашчулуун               -           -                       2                      -           1          3

С.Лхагвасүрэн             -           -                       2                      -           -           2

Ц.Балжинням               -           -                       1                      3          1           5

Г.Содбаяр                    -           -                       1                      3          -           4

П.Бат-Очир                  -           -                       1                      1          2          4

С.Алтангэрэл               -           -                       1                      1          -           2

З.Ганбаатар                 -           -                       1                      -           2          3

Э.Энх-Эрдэнэ              -           -                       1                      -           1          2

М.Шийравжамц           -           -                       1                      -           1          2

Р.Хорлоо                     -           -                       1                      -           -           1

Г.Дүгэрсүрэн               -           -                       1                      -           -           1

Ч.Энхтайван                -           -                       1                      -           -           1

Ц.Сүхбат                     -           -                       1                      -           -           1

Д.Бямбаа                     -           -                       -                       3          -           3

Б.Батжаргал                -           -                       -                       2          1          3

Ё.Хурцбаатар              -           -                       -                       1          1          2

Н.Эрхэмбаатар            -           -                       -                       1          1          2

Ёндонжамц                  -           -                       -                       1          -           1

Сүхбаатар                   -           -                       -                       1          -           1

Ц.Батдорж                   -           -                       -                       1          -           1

Г.Ванчий                      -           -                       -                       1          -           1

М.Түвшинжаргал         -           -                       -                       1          -           1         

Б.Мөнхбаяр                 -           -                       -                       1          -           1

С.Төмөрбаатар            -           -                       -                       -           1          1

Д.Чимид                      -           -                       -                       -           1          1

Д.Амгалан                   -           -                       -                       -           1          1

Н.Нямцогт                   -           -                       -                       -           1          1         

Ж.Баасанхүү                 -           -                       -                       -           1          1