Мэдээ

ТЭНЦЭЭ ҮГҮЙ ТЭМЦЭЭН

Оны төгсгөлд Голландын Делфт хотноо шилдэг их мастерууд болох Алексей Чижов, Александр Георгиев (хоёул ОХУ), Мартин ван Айзендорн, Ян Гронендейк (хоёул Нидерланд) нарын оролцож буй сонирхолтой тэмцээн болж байна. Энэхүү топ зэрэглэлийн тэмцээний онцлог нь өрсөлдөгчид богиносгосон цаг (20 минут + 15 секундын бонус)-аар гурван тойрог өрсөлдөх бөгөөд хамгийн сонирхолтой нь тэнцээ гэж үгүй гэнэ. Өөрөөр хэлбэл тоглолт бүрт ялагч тодрох бөгөөд хөлөг дээр тэнцээний байрлал үүссэн ч материалын давуу талыг нь харгалзаж 9:1, 8:2, 7:3 оноонуудыг өгөх юм.

ТЕХНИК ТЕХНОЛОГИЙН ДЭЭД СУРГУУЛИЙН НЭРЭМЖИТ ӨСВӨР ҮЕИЙН ТЭМЦЭЭНИЙ УДИРДАМЖ

Нэг. Нийтлэг зүйл

  1. Тэмцээний зорилго нь зуун буудалт даамыг сурталчлан хөгжүүлэх, түгээн дэлгэрүүлэх, өсвөр, залуу даамчдын ур чадварыг дээшлүүлэхэд оршино.
  2. Тус тэмцээнийг Монголын даамын холбоо, “Алтан хүү” клуб, Техник технологийн дээд сургууль хамтран зохион байгуулна.
  3. Хөвгүүд, охидын төрөлд 6-9, 10-13, 14-17 насны ангиллаар явагдана.    

Гурав. Хугацаа, зохиогдох газар, бүртгэл

Э.ДААРИЙМАА ОХИДЫН АНГИЛАЛД ТҮРҮҮЛЭВ

БНХАУ-ын Шандунь мужийн Шинтай хотноо арванхоёрдугаар сарын 16-21-ний өдрүүдэд зуун буудалт даамын “Xintai Cup” олон улсын тэмцээн боллоо. Долоо дахь удаагаа зохиогдсон тус тэмцээнд Монгол Улсаас 6 тамирчин өрсөлдөв.

Швейцарь системээр 9 өрөг тоглоход манай тамирчдаас хамгийн өндөр амжилтыг ДДХМ Ц.Сүхбат (Хасу-Мегастарс) үзүүлж, 12 оноо авлаа. Түүнтэй ижилхэн оноотой 11 тамирчин гарсан бөгөөд коэффициент буюу нэмэлт үзүүлэлтээр Ц.Сүхбат эрэгтэй ангилалд 9-р байр эзэлсэн байна. Тэрбээр нэг байр урагшилсан бол шагналт байранд орох байв. Түүнчлэн ДДХМ Д.Ганболд (Энэрэл), СМ Ц.Эрдэмбилэг (Хийморь хөлөг), ДМ Э.Даариймаа (Ирээдүй), ОУИМ Б.Мишээл (Ирээдүй) нар 10, ДДХМ Э.Хүслэн (Алтан хүү) 8 оноо авсан амжилтаар тэмцээнээ өндөрлүүлжээ. ДАШТ-ий хүрэл медальт Э.Даариймаагийн хувьд охидын 14 хүртэл насны ангилалд тэргүүн байр эзэлсэн байна.

"НАХИА" ЛИГИЙН ШИГШЭЭ ТОГЛОЛТ БОЛЛОО

Нахиа өсвөрийн лигийн финалын тэмцээний дүн гарлаа. Тэмцээнд цуврал 3 тэмцээнээс шалгарсан 61 даамчин өрсөлдөв. Бяцхан даамчиддаа спортын өндөр амжилт хүсэн ерөөе.

7 нас- охид
1 Ч.Гooмaрaл СБД I
2 Г.Хүслэнзаяа АР I
3 Ц.Буянцэцэг АР I


7 нас - хөвгүүд
1 Г.Санчир БЗД I
2 Б.Бүрэнтөгс ЧД I
3 Б.Aминхүслэн ЧД I

ШИНЭ ОНЫ АНХНЫ ТЭМЦЭЭНҮҮД

Монголын даамын холбооноос 2020 оны 1-р сарын 3, 4-нд Техник технологийн дээд сургуулийн нэрэмжит өсвөрийн даамчдын тэмцээнийг, 5-ны ням гаригт Дулааны IV цахилгаан станц IV ТӨХК-ийн нэрэмжит "Эрчим Кап" түргэн тоглолтын тэмцээнийг, 10-12-нд Улсын аварга шалгаруулах хагас шигшээ тэмцээнийг, 25-26-нд Сэлэнгэ аймгийн Баянгол суманд турк даамын өсвөр үеийн тэмцээнийг зохион байгуулна. Эдгээр арга хэмжээний дэлгэрэнгүй удирдамжийг тэмцээн эхлэхээс 7-14 хоногийн өмнө зарлана. Тэрчлэн МДХ-ны 2020 оны тэмцээн уралдааны хуваарийг 1-р сарын 1-нд танилцуулах юм.

Ц.СҮХБАТ "FINAL 2019"-ИЙН ЯЛАГЧ

Монголын даамын холбоо, "Алтан хүү" клубээс хамтран зохион байгуулдаг оны шилдэг даамчныг тодруулах "Final 2019" тэмцээн 12-р сарын 9-13-ны өдрүүдэд УБТЗ-ын Зүтгүүрийн депо дээр боллоо. Дээд лигийн цувралуудаас бүтэн жилийн туршид хамгийн өндөр оноо цуглуулсан шилдэг 10 тоглогч уламжлал ёсоор өрсөлдсөн бөгөөд энэ жилийн хувьд 4 оролцогч нь 13-19 насны охид байсан юм.

Тэмцээнийг Б.Одхүү захиралтай "Кэнс Электрик" ХХК ивээн тэтгэсэн бөгөөд оролцогчид эзэлсэн байраасаа шалтгаалан 50-500 мянган төгрөгийн шагнал хүртжээ. Тэмцээний дэлгэрэнгүй дүн болон өргүүдийг https://results.fmjd.org/tournaments/2019/f_3079/index.html холбоосоор үзнэ үү.

БАРУУН БҮСИЙН НЭЭЛТТЭЙ ТЭМЦЭЭН БОЛОВ

Ховд аймгийн Засаг дарга, Монголын Даамын холбооны Ховд аймаг дахь салбар зөвлөлийн тэргүүн Б. Дүгэржавын санаачлагаар, Ховд аймгийн “Зөөлөн тэмүүлэл констракшн” ХХК-ний ивээн тэтгэлгээр “Баруун бүсийн Зуун буудалт даамын нээлттэй тэмцээн Ховд -2019” Ховд хотод 2019 оны 12 сарын 15-ны өдөр амжилттай зохион байгуулагдаж өнгөрлөө.

ШИЛДЭГ БАГ ТОДОРЛОО

Тэмцээний үндсэн төрөлд швейцарь системээр 7 өрөг тоглож дүнгээ гаргахад ОУИМ Г.Ганжаргал ахлагчтай “Ирээдүй” баг 11 оноогоор аваргалж, ДДХМ Г.Гэрэлболд ахлагчтай “Энэрэл-2” баг 10, СМ Д.Чойжилсүрэн ахлагчтай “Сонгодог байрлал-1” баг 9 оноогоор мөнгө, хүрэл медалийн эзэд боллоо. Шагналт IV-V байранд тус бүр 9 оноо авсан СМ Г.Энхтуяа ахлагчтай “ББЖ мастер”, ДДХМ Д.Ганболд ахлагчтай “Энэрэл-1” багууд шалгарсан. “Ирээдүй”-гийн хувьд багийн улсын аварга цолыг хүртсэн найм дахь баг болсон байна.

Тэмцээнийг Монголын даамын холбооны ерөнхийлөгч, Улсын их хурлын гишүүн А.Ундраа хоёр дахь жилдээ ивээн тэтгэлээ.  

FINAL 2019-Д ӨРСӨЛДӨХ ДААМЧИД ТОДОРЛОО

Монголын даамын холбоо, "Алтан хүү" клубтэй хамтран зохион байгуулдаг Дээд лигийн цуврал өндөрлөж, шигшээ тэмцээнд өрсөлдөх шилдэг 10 тамирчны нэрс тодорлоо. 2019 оны туршид Дээд лигийн цуврал 10 тэмцээнд нийт 405 тамирчин (давхардсан тоогоор 908 тоглогч) өрсөлдсөн байна.

Эдгээр тоглогчдыг ОУИМ Г.Ганжаргал 338 оноо авсан амжилтаар өнгөлжээ. Тэрбээр энэ жил 5 тэмцээнд түрүүлж, II болон III байрт тус бүр нэг удаа орсон аж. Түүний араас ОУИМ Д.Эрдэнэбилэг 282, ДДХМ Ц.Хашчулуун 281, Ц.Сүхбат 246, ОУИМ Б.Мишээл 207 оноогоор удааллаа.

Удахгүй болох үйл явдал

Товлогдсон үйл явдалгүй