Мэдээ мэдээлэл

Статистикийн улсын үзлэг тооллогын 2-р Цахим хурал боллоо

Статистикийн улсын үзлэг тооллогын 2-р Цахим хурлыг  Үндэсний статистикийн хороо, Засгийн газрын хэрэгжүүлэгч агентлаг - Биеийн тамир, спортын газар 21 аймаг, 9 дүүрэгтэй хийлээ. Цахим хурлаар ҮСХ-ны Даргын зөвлөлөөр батлагдсан тооллогын асуулгын маягт, зааврыг аймаг дүүргүүдэд албан ёсоор танилцуулж., тооллого явуулах үйл ажиллагааг дэлгэрэнгүй тайлбарллаа.  

МУ-ын хөдөлмөрийн баатар, гавьяат тамирчин Д.Сумъяа, Гавьяат тамирчин Г.Одбаяр нарт ЗГХА-Биеийн тамир, спортын газрын дарга хүндэтгэл үзүүллээ

Монгол Улсын Ерөнхийлөгчийн зарилгаар жүдо бөхийн олимпийн наадмын мөнгө, ДАШТ-ий алт, хүрэл медальт, гавьяат тамирчин Д.Сумъяад Хөдөлмөрийн баатар, ДАШТ-ий хүрэл медалт ОУХМ Г.Одбаярт гавьяат тамирчин хэмээх эрхэм цол тэмдэг хүртээлээ. Тэгвэл ЗГХА, Биеийн тамир, спортын газрын дарга Ц.Шаравжамц төрдөө үнэлүүлсэн хоёр эрхэмийг хүлээн авч хүндэтгэл үзүүлэн цаашдынх нь амьдрал, спортын талбартаа илүү их амжилт гаргахыг хүсэн ерөөв 

"Биеийн тамир, спортод хүн амын оролцоог эрчимжүүлэх нь" Төвийн бүсийн сургалт Дархан-Уул аймагт боллоо

ЗГХА, Биеийн тамир, спортын газраас санаачилж буй "Биеийн тамир, спортод хүн амын оролцоог эрчимжүүлэх нь" сэдэвт "Төвийн бүс"-ийн сургалт Дархан-Уул аймагт боллоо. Энэ сургалтын хүрээнд Монгол Улсын Биеийн тамир, спортын тухай хуулийн шинэчилсэн найруулга болон энэ онд аймгуудын Биеийн тамир спортын газруудын ажлын тайлан, нэгдсэн төлөвлөгөөтэй танилцав. Сургалтад Дархан-Уул, Сэлэнгэ, Өмнөговь, Дундговь, Төв гэсэн таван аймгийн мэргэжилтэн, багш, дасгалжуулагч гээд 100 орчим хүн хамрагдлаа.

Спортын салбараас нэг Ардын багш, дөрвөн гавьяат төрлөө

Монгол Улсын Ерөнхийлөгч Х.Баттулгын зарилгаар салбар бүрт ажил үйлсээрээ манлайлсан зарим хүнийг өнөөдөр төрийн дээд одон медалиар шагналаа. Үүнд спортын салбараас Ардын багш цолоор улсын харцага Ч.Өвгөнхүүг, гавьяат дасгалжуулагч цолоор Б.Дамба, Хүний гавьяат эмч цолоор БТСГ-ын Спорт анагаах ухааны албаны их эмч П.Бат-Очир, гавьяат тамирчин цолоор дэлхийн аварга П.Орхон, ДАШТ-ий хүрэл медальт Ө.Мөнгөнчимэг нарыг шагнасан юм.

Биеийн тамир, спортын газрын дарга пара таеквондогийн насанд хүрэгчдийн ДАШТ-д амжилттай оролцсон баг тамирчдыг хүлээн авч хүндэтгэл үзүүллээ.

ЗГХА, Биеийн тамир, спортын газрын дарга, гавьяат тамирчин Ц.Шаравжамц өнөөдөр пара таеквондогийн насанд хүрэгчдийн ДАШТ-д амжилттай оролцсон баг тамирчдыг хүлээн авч хүндэтгэл үзүүллээ. Баг тамирчдын зүгээс “Цаг ямагт бидэнд тусалж, дэмждэг БТСГ-ын удирдлагууд, Үндэсний шигшээ багийн албаныхандаа баярлаж явдгаа илэрхийлье. Бидний үзүүлсэн энэ амжилт бол Та бүхний дэмжлэгтэй салашгүй холбоотой. Энэ сайхан сэтгэлийг амжилтаар хариулахыг хичээх болно” гэв.

“Нийслэлийн бүс”-ийн сургалт болж байна

ЗГХА, Биеийн тамир, спортын газраас санаачлан зохион байгуулж буй “Биеийн тамир, спортод хүн амын оролцоог эрчимжүүлэх нь” сэдэвт “Нийслэлийн бүс”-ийн сургалт БСШУСЯ-ны дөрвөн давхарын хурлын танхимд болж байна. Энэ сургалтад нийслэлийн есөн дүүргийн БТСГ болон хүчний долоон спорт хорооны удирдлага, мэргэжилтэнүүд чуулж байгаа бөгөөд Биеийн тамир, спортын тухай хуулийн шинэчилсэн найруулгын талаар тэдэнд мэдээлэл өгч байгаа юм. Сургалтын эхэнд БСШУСЯ-ны Төрийн нарийн бичгийн дарга Ж.Болормаа, БТСГ-ын дарга Ц.Шаравжамц нар нээж үг хэллээ.

“Биеийн тамир, спортод хүн амын оролцоог эрчимжүүлэх нь” сэдэвт бүсийн сургалт үргэлжилж байна.

ЗГХА - Биеийн тамир, спортын газар, БСШУСЯ-ны хамтарсан баг Дорнод аймагт “Биеийн тамир, спортод хүн амын оролцоог эрчимжүүлэх нь” сэдэвт бүсийн сургалт зохион байгуулж байна. “Зүүн бүс”-т болж буй тус сургалтад Дорнод, Хэнтий, Сүхбаатар, Дорноговь, Говьсүмбэр зэрэг таван аймгийн БТСГ-ын 80 гаруй оролцогч номын дуу сонсч байна. Сургалтын эхэнд БСШУСЯ-ны Биеийн тамир, спортын бодлогын газрын мэргэжилтэн Д.Эрдэнэсүрэн Биеийн тамир, спортын тухай шинэчилсэн найруулгын талаар илтгэл тавив.

БТСГазар Куба улсын спортын салбартай хамтарч ажиллана

ЗГХА, Биеийн тамир, спортын газрын дарга Ц.Шаравжамц өнөөдөр Спортын төв ордны хурлын танхимдаа Бүгд найрамдах Куба улсын Монгол Улсад суугаа Онц бөгөөд Бүрэн эрхт Элчин сайд Раул Консепсионыг хүлээн авч уулзлаа. Уулзалтын эхэнд, Кубын Гавана хотод тус улсын Спорт, биеийн тамирын боловсрол, амралтын хүрээлэнгийн ивээл дор зохион байгуулагдах Биеийн тамир, спортын олон улсын VII хурал (AFIDF-2017)-ын талаар Элчин сайд Р.Консепсион мэдээлэл өгсөн юм.