Нийслэлийн Засаг даргын нэрэмжит ерөнхий боловсролын сургуулийн сурагчдын сагсан бөмбөгийн “Улаанбаатар лиг” тэмцээнийг зохион байгуулсан. Нийслэлийн Засаг даргын Тамгын газар, Нийслэлийн Боловсролын газар, ОХУ-ын Школьная баскетбольная лига “КЭС-БАСКЕТ” Төрийн бус байгууллагатай хамтран 2009-2010 оны хичээлийн жилээс эхлэн 9 дэх жилдээ 2017 оны 09 дүгээр сараас 2018 оны 02 дугаар сарын 28-ны хооронд амжилттай зохион байгуулсан. Тус тэмцээний бүх үе шатуудыг бага, дунд, ахлах насны ангилалаар сургууль, бүс, дүүрэг, нийслэл, олон улс гэсэн 5 үе шаттайгаар зохион байгуулж 9 дүүргийн ерөнхий боловсролын 121 сургуулийн охид, хөвгүүдийн 6413 багийн 85000 мянга гаруй сурагч хамрагдсан. Нийслэлийн шигшээ тэмцээнийг 2018 оны 02 дугаар сарын 26-аас 28-ны өдрүүдэд “Буянт-Ухаа” спорт ордонд зохион байгуулж бага, дунд, ахлах насны ангилал бүрийн охид, хөвгүүдийн шилдэг 90 багийн 1344 сурагч оролцсон.