Бүжгийн спортоор дамжуулан хүүхэд, залууст бие бялдрын боловсрол олгох, бүх нийтийн спорт болгон хөгжүүлж, тамирчдын ур чадвар, оролцогчдын тоог нэмэгдүүлэх зорилгоор Улаанбаатар хотын аварга шалгаруулах бүжгийн спортын тэмцээнийг 2018 оны 05 дугаар сарын 13-ны өдөр зохион байгуулсан. Тэмцээнд Улаанбаатар хотод үйл ажиллагаа явуулж байгаа Moon Dance, Masmer Dance, UB Dance, Танан студи, МR Academy, Titans of dance, Шинэ монгол сургууль, МУИС, ШУТИС-ийн нийт 300 гаруй тамирчид оролцсон.