Нийслэлийн Засаг даргын нэрэмжит 2019-2020 оны хичээлийн жилийн Ерөнхий боловсролын сургуулийн сурагчдын “Улаанбаатар лиг” сагсан бөмбөгийн тэмцээн бага, дунд, ахлах насны ангиллаар 5 үе шаттайгаар 11 дэх жилдээ зохион байгуулагдсан.

Анхан шатны тэмцээн дүүрэг тус бүрт 2019 оны 09-12 дугаар сарын 30 хүртэлх хугацаанд зохион байгуулагдан Нийслэлийн 9 дүүргийн Ерөнхий боловсролын 121 сургуулийн охид, хөвгүүдийн 6413 багийн 85000 мянга гаруй сурагчид хамрагдсан.

Нийслэлийн шигшээ тэмцээнийг 2020 оны 10 дугаар сарын 17-20-ны өдрүүдэд “Буянт Ухаа” спортын ордонд зохион байгуулан охид хөвгүүдийн 96 багийн 1248 тамирчин сурагчид, давхардсан тоогоор  6509 багийн 86240 сурагчдыгхамруулсан. Анхан шатны тэмцээнийг амжилттай сайн зохион байгуулсан сургуулиар Б.Болортуяа захиралтай Чингэлтэй дүүргийн 117 дугаар сургууль шалгарч “Шилдгийн шилдэг сургууль”-ийн өргөмжлөл 1.000.000 төгрөгний батламж гардан авсан.