"Алтан хүү" клубээс "Даамын нууцад нэвтрэхүй" хэмээх цуврал номыг та бүхэнд өргөн барьж байна. Номыг ОУИМ Р.Манлай бичиж, СМ Ц.Алтанхуяг хянан тохиолдуулжээ. Зохиогчид анхан шатны суралцагчаас олон улсын цолтнуудтай ажиллаж байсан цөөнгүй жилийн туршлага дээрээ үндэслэн эл номыг бичсэн байна. Цувралын эхний дэвтэр нь эхлэн суралцагчид болон бага насны хүүхдэд зориулагдсан бөгөөд эхнээс нь дуустал бодсоноор даамын спортын зэрэг авах хэмжээний ур чадварыг эзэмших юм.
Голланд, франц, польш, орос хэл дээр хэвлэгдсэн даамын сурах бичиг, ном товхимлуудаас сонгож авсан шилэгдмэл бодлогууд бүхий энэхүү өнгөт ном нь 31 төрлийн хичээл, 58 жишээ, 802 бодлогыг багтаажээ. Хичээлийн сэдвүүдийг, мөн тухайн бүлэг доторх дасгалуудыг амархнаас хэцүү рүү, аажмаар хүндрүүлэх зарчмаар системчлэн ангилсан аж. Анхан шатны сургалт явуулж буй багш, дасгалжуулагч нар уг номыг гарын авлага байдлаар ашиглах боломжтой.
Үнэ: 10.000 ₮
Утас: 9616-5545, 8800-4087
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.