Улаанбаатар хотын аварга шалгаруулах Морин харвааны тэмцээн 2017

Улаанбаатар хотын аварга шалгаруулах Морин харваан тэмцээн 2017 оны 07 дугаар сарын 15-16-ны өдрүүдэд Өлзийт хороололд байрлах “Хан Монгол” морьтны талбайд зохион байгуулсан. Харваачдын бай нэг метрийн хэмжээтэй, бай хоорондын хэмжээ 40 метр, морь давхих зай замаас 10 метр, тамирчид 150 метр зайг 15 секундын хугацаанд туулахаар тооцоолж бэлтгэл ажлыг ханган зохион байгуулсан. Тэмцээний ерөнхий шүүгчээр Б.Мөнхбаяр тэргүүтэй 20 шүүгч оролцлоо. Удирдамжийн дагуу ганцаарчилсан болон багийн гэсэн төрлөөр зохион байгуулагдаж нийт 40 харваач ур чадвараа сорилоо.