Монгол
English
Монголын бүх ард түмний спортын XV наадмын буудлагын 50 метрийн гурван байдлаас буудах дасгал болон 25 метрийн спорт гар бууны шигшээ тэмцээн болов. 50 метрийн гурван байдлаас буудах эрэгтэйчүүдийн ангилалд 13 багийн 13 тамирчин өрсөлдөхөд Увс аймгийн тамирчин, мастеруудын дэлхийн аварга Ц.Мөнх-Эрдэнэ түрүүлж, Баянзүрх дүүргийн тамирчин, Азийн АШТ-ий мөнгөн медальт Н.Баяраа, Хэнтий аймгийн тамирчин Б.Эрхэмбаяр нар удаалав.
Тэмцээний 25 метрийн спорт гар бууны дасгалд 16 багийн 16 тамирчин цэц сориход Чингэлтэй дүүргийн тамирчин, ДАШТ-ий мөнгөн медальт Т.Баярцэцэг алт, Дундговь аймгийн тамирчин, ДАШТ-ий мөнгөн медальт, Азийн АШТ-ий мөнгө, хүрэл медаль, дэлхийн цомын аварга Ц.Мөнхзул мөнгө, Баянзүрх дүүргийн тамирчин, Армийн дэлхийн аварга Г.Хэрлэнцэцэг хүрэл медаль хүртлээ.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.