Мэдээ

Монголын үндэсний олимпын хороо (МҮОХ)-ны VIII чуулган өнөөдөр (2022.03.28) "Шангри-Ла" зочид буудалд боллоо. Ээлжит чуулганаар МҮОХ-ны ерөнхийлөгч, дэд ерөнхийлөгч, Гүйцэтгэх зөвлөлийн гишүүдийг сонгосон юм.

МҮОХ-ны Гүйцэтгэх зөвлөлийн зургаан суудлын төлөө анх 26 хүн өрсөлдөхөөр бүртгүүлсэн ч долоо нь нэрээ татсанаар 19 хүний дунд өрсөлдөөн өрнөв. Нэг гишүүн зургаа хүртэлх хүний нэр дугуйлан саналаа өгөхөд Монголын триатлоны холбооны ерөнхийлөгч Ц.Сандуй хамгийн олон буюу 84 санал авч, МҮОХ-ны Гүйцэтгэх зөвлөлийн гишүүнээр улиран сонгогдов.

Шинээр сонгогдсон Гүйцэтгэх зөвлөлийн гишүүдтэй танилцана уу.
 

1. Ц.Сандуй (Монголын триатлоны холбооны ерөнхийлөгч) 84 санал
    
2. Т.Амаржаргал (Байт харвааны холбооны тэргүүн дэд ерөнхийлөгч) 66 санал
    
3. П.Буяндэлгэр (Чөлөөт бөхийн холбооны ерөнхий нарийн бичгийн дарга) 65 санал
    
4. А.Ганбаатар (Хөлбөмбөгийн холбооны ерөнхийлөгч) 64 санал
    
5. Ч.Амарсанаа (Ширээний теннисний холбооны Удирдах зөвлөлийн гишүүн) 61 санал
    
6. Д.Жаргалсайхан (Гандболын холбооны ерөнхийлөгч) 61 санал авч сонгогдлоо.