Олон улсын олимпын хорооны Олимпын эв санааны нэгдлийн сан, Монголын үндэсний олимпын хороо, Дэлхийн триатлоны холбоо, Монголын триатлоны холбоо хамтран Улаанбаатар хотноо Триатлоны дасгалжуулагчдын олон улсын сургалтыг 11-р сарын 6-11-нд амжилттай зохион байгууллаа. Сургалтыг Дэлхийн триатлоны холбооноос томилогдон ирсэн Өмнөд Африк, Швейцарийн нэртэй дасгалжуулагч Франц Студер, Филиппиний паратриатлон, усанд сэлэлтийн дасгалжуулагч Энтони Лозадa нар удирдаж, Монголын аймаг, дүүрэг, клубүүдийн 14 дасгалжуулагч оролцов.
Семинарын хаалтын үйл ажиллагаанд МҮОХ-ны тэргүүн дэд ерөнхийлөгч Ч.Наранбаатар, МТрХ-ны дэд ерөнхийлөгч Д.Жаргалсайхан нар оролцож, дасгалжуулагч нарт ОУОХ-ны ерөнхийлөгч Томас Бахын гарын үсэгтэй гэрчилгээг гардуулж өгөв.
Фотог Э.Харцага
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.