ЗАЛУУЧУУД, НАСАНД ХҮРЭГЧИД, МАСТЕРУУДЫН 6/12/24 цагийн гүйлтийн УЛСЫН АВАРГА ШАЛГАРУУЛАХ ТЭМЦЭЭН 2024.08.10-11нд Үндэсний цэцэрлэгт хүрээлэнд амжилттай зохион байгуулагдлаа.
Бүртгэл, тэмцээний дүн гаргах, ерөнхий зохион байгуулалтыг Монголын хэт холын марафон гүйлтийн холбоо анх удаа бие даан зохион байгууллаа. Мэргэжлийн 25, сайн дурын 20, нийт 45 шүүгч тэмцээний бэлтгэл ажилд 36 цагийн турш тасралтгүй ажиллалаа.
Өвөрхангай, Булган, Баянхонгор, Говьсүмбэр, Дорнод, Дорноговь, Дархан-Уул, Орхон, Увс аймгууд, УБ хотын 7 дүүрэг,
Mongolian Elite runners, Erdenet Ultra, I run club, P running club, Let’s run club, MGL running channel, Eco trail runners club, Тэнгэр уулчдын клуб, МХХМГХ-ны Үсрэлт 21-р зуун клуб, Говь-Сүмбэр Талын шонхорууд клуб, Увс Хурд марафон клуб, Зэвсэгт хүчний 032, 327, 0303, 013-р анги, Мазаалай клуб, Амуулай ХХК, СЭЗИС, УБТЗ гэх мэт 20 гаруй байгууллагын нийт 112 тамирчин оролцлоо.
6 цагийн гүйлтэнд эрэгтэй 30, эмэгтэй 24
12 цагийн гүйлтэнд эрэгтэй 16, эмэгтэй 13
24 цагийн гүйлтэнд эрэгтэй 15, эмэгтэй 14 тамирчид оролцож өөрөө өөрсдийгөө ялан дийллээ.
Цаг агаар тааламжтай байлаа. Бүх тамирчид км тутамд 6 цагийн зайтай халуун хоол /жимс, печень/ бусад сэргээх бүтээгдэхүүн хэрэглэж байв.
Энэ жилийн онцлох зүйл нь:
БНСУлсын "Smart Planet" цаг хэмжилтийн компанитай хамтарч тус улсын техникийн мэргэжилтнүүдийг урьж авчиран, нийт гүйгчдийн амжилтыг Монгол улсдаа анх удаа онлайнаар шууд дамжуулан баталгаажуулж гарган гаргалаа.
Шинээр спортын 3-р зэрэгтэй тамирчин 12, 2-р зэрэгтэй 9, 1-р зэрэгтэй 13, Спортын дэд мастер 8, Спортын мастер 2, ОУХМ 3 төрөн гарлаа.
Өөрийгөө ялан дийлж, амжилтаа ахиулсан нийт гүйгчид, багш дасгалжуулагчид болон зохион байгуулагч нарт халуун баяр хүргэе. Тус тэмцээнийг ивээн тэтгэсэн хамтран ажиллагч байгууллагууддаа баярлалаа.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.