Мэдээ

Монголын бүх ард түмний спортын XV их наадамд буудлага спортын төрөлд 26 байгууллагын 103 тамирчин  2022 оны 09 сарын 10-наас 15-ны өдрүүдэд цэц мэргэнээ сорьж шилдэгүүдээ шалгарууллаа.Хэнтий аймгийн шилдэг залуу тамирчин Б.Эрхэмбаяр тус наадамд 10м-ийн Хийн урт бууны дасгалд бутархай дүнгээр  627 оноо онож Олон улсын хэмжээний мастерын болзол, тус дасгалд хувийн дүнгээр аваргын Алтан медаль хүртсэнээс гадна 10м-ийн Хийн урт бууны Холимог багийн дасгалд багаараа Хүрэл, 50м-ийн 3 байдлын 3х20 эрэгтэйчүүдийн дасгалд хувийн дүнгээр Хүрэл медаль тус тус хүртлээ.Мөн түүнчлэн СМ Б.Сугар багшийн шавь СМ Т.Номин 10м-ийн Хийн урт бууны эмэгтэйчүүдийн ангилалд 621,1 оноо онож Олон улсын хэмжээний мастерын болзол, 10м-ийн Хийн гар бууны эрэгтэйчүүдийн ангилалд Орхон аймгийн тамирчин Г.Батхишиг 565 онож Спортын дэд мастерын болзол тус тус хангалаа.