Мэдээ

Төрийн албаны зөвлөлийн хурлаар 2021 оны гурав дахь ерөнхий шалгалтыг 2021 оны 11 дүгээр сарын 15-ны өдрөөс зохион байгуулахаар товлож, нийтэд зарласан.

Ерөнхий шалгалтын цахим бүртгэл 2021 оны 09 дүгээр сарын 22-ны өдрийн 09:00 цагаас эхэллээ. Бүртгэл 2021 оны 10 дугаар сарын 22-ны 09:00 цаг хүртэл 30 хоногийн хугацаанд цахимаар явагдана. Товлосон цагт хүнээс үл шалтгаалж, цахим бүртгэл автоматаар хаагдах тул та бүртгүүлэх иргэнд тавигдах болзол, бүрдүүлэх бичиг баримтын мэдээлэлтэй бүрэн танилцаж, бүртгэлээ анхааралтай хийнэ үү.

Шалгалт өгөх хуваарийг 2021 оны 11 дүгээр сарын 08-ны өдөр Төрийн албаны зөвлөлийн цахим хуудсанд байршуулна.

Та бүртгүүлэх бол энд дарна уу.