Монгол
English
“Нүүдэлчин дэлхийн соёлын фестиваль” гурав дахь өдрөө болж байгаа бөгөөд үндэсний спортын отгон төрөл болох адуучин тэмцээнд 19 аймаг, есөн дүүргийн нийт 35 тамирчин оролцож байна. Энэ жилийн тэмцээний хамгийн ахмад (50 настай) нь Багануур дүүргийн адуучин н.Энхтөр юм. Адуучид уурга, ташуур шүүрэх, эмнэг булигуулах, морьтой уургалах, явган бугуйлдах гэсэн дөрвөн төрлөөр өрсөлдөж буй.
Өнгөрсөн жилийн тус тэмцээнд Багануур дүүргийн адуучин Б.Бямбасүрэн түрүүлж байсан бол энэ жилийн тэмцээнд улсын аварга цолтой гурав, аймгийн аварга цолтой арав орчим адуучин өрсөлдөж байна. Монголын адуучдын холбоо энэ жилээс чансаа олгох тэмцээн, өсвөр үеийнхний УАШТ-ийг анхлан зохион байгуулсан бол удахгүй ахмадын УАШТ-ийг зохион байгуулах юм.
Адуучин тэмцээн “Нүүдэлчин дэлхийн соёлын фестиваль”-д дөрөв дэх удаагаа багтаж байгаа ба адуучин тэмцээнийг 2013 оноос анхлан зохион байгуулж, 21 аймгийн 220 гаруй суманд үйл ажиллагаагаа явуулж байна.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.